Peta Land Use

Hari ini aku pengen pake baso Plembang bae ah... Pagi ini badan rasonyo dak lemak, shalat Subuh la lewat jam 5, sudahnyo roboh lagi, dasar virus flu..ngapo pulo mudah nian nular!
Parak jam 9 teringet janji dengan pak Haji Kokon, yang sikok ini yolah kawan sekelas di Bandung. Rencanonyo kami nak ke Dinas Kehutanan yang parak Punti Kayu, cari Peta Land Use DAS Musi, untuk ngelengkapi data thesis. Ajakan p'haji untuk mekut mobilnyo (dio la samo Dedi) tepakso ditepis, masalahnyo kando Andi alias Aa' Ibon besedia nganter walopun lagi demem (apo demem kure bae y?!).
Cuman pas di BP Musi, lagi2 kami harus nunggu info, alias ngenjuk surat n no hp biar kalu la ado datanyo n berapo rego untuk biaya ngopinyo pacak dihubungi oleh Bapak yang di Dinas itu. Padahal, masa liburan semester tinggal seminggu ini...hmmmm..nasib..nasib...
Balek dari Dinas Kehutanan kami ke kantor kawan sikok lagi, Numeri namonyo (alias Budin, ntah cakmano asal muasalnyo kawan2 sekelas di Bandung mak ini manggil dio Budin, temasuk aku kadang2). Dio begawe di Dinas PU Pengairan Propinsi SUMSEL, aku sih bukan nak ngelengkapi data, tapi nak dititipinyo KTM plus kunci kamar messnyo untuk nyari kelengkapan daftar ulang yang laen, gara2nyo datanyo jugo belom lengkap, jadi daftar ulang nitip dengen aku. Dio dewek belom nak balek ke Bandung sebelum dapet data2nyo.
Sore abis Ashar cak biaso kami maen ke rumah mertuo, dak jauh, cuman 3 km dari rumah. Baleknyo mampir Lingkaran, mbeli martabak jagung (kesenengan kando Andi) plus martabak kacang (yang ini kesenengan bokap). Sampe rumah ditelpon pak Marsono, wong Balai Wilayah Sungai yang ahli hidrometri, mudah2an Rabu ini kami jd bespeedboat ke Telukkijing untuk ngukur profil Sungai Musi.
Hmm malem ini mumpung kando la tiduk duluan, aku nge-net dokin, hehhe..dem dulu ai la dalu, nak tiduk jugo.